ما بين ليل وليل

لك أن تدسى جسدك النضر المغنى فى فراشك كى تنامى حالمه
بالأمنياتِ المقبلاتِ على جياد الحلم هامسةً الى الروح الطليقه
هيا انعمى بالصفو أيتها المُنعمةُ الرقيقه
..........
هيا إهنئى بالنوم......إلقى الهم .....وانطلقى الى آفاق دنيا ناعمه
فالليل أقبل ممسكاً بوشاحه الشفاف كى يغوى عينوك بالرقاد
وترقرقى كالقمر البهى على الشواطئ والحدائق والمدينة فى إتئاد
الليل أقبل مؤذناً ليمامتين تغنتا طول النهار بأن تكفا عن هديلهما حتى الصباح
والليل آذن باسماً لبحيرتين من الصفاء بأن تكفا عن خريرهما المباح
الليل أغمض باسماً عينيك كى تتشرنقى بخيوطه السكرى إلى أن تولد الشمس الجديده
فيطل وجه النور كى تتفتحى كالزهر فى مرح على مرأى الصباح وتعانقى الدنيا الوليده
..........
اليل أقبل فلتنامى
ودعى التأرجح فى حبال الفكر لى أنا وحدى وقرى فى فراشك حالمه
ودعى خيالك يوقظ الدنيا بطلعته أمامى
متلألئا فى كل ما حولى يحاصرنى ويضحك حين يحرمنى منامى
لأجوب بالأفكار أعماق الظنون الغائمة
!!وأساءل الأعماق عنك وعن أمان ٍ صائمه
الليل أقبل هاهنا
الليل أقبل موقظاً شوقى إليكى بلا إنتهاء
!هل تعلمين الآن بالعطش المُلحّ إليكِ يا شمس المحبة والصفاء ؟

وذاك القمر.. أهو خيالك ؟ ....أم انه حبى الذى يمتد فى عمق السماء؟
يمتد فى لهف غريب

وأنت نائمة منعمة ليهمس فى أسى

عطشى إليكى بلا إرتواء
__________
حسن توفيق

What a Happy birthday !

بما إنها مناسبه خاصه جداً محبيتش اليوم ده يعدى من غير ما أكتب اى حاجه ولو حتى صغيره...النهارده وبلا فخر انا اتميت السنه الثالثه والعشرين...يالله حسن الختام ..الحمد لله ان 2007 عدت لأنها فعلاً كانت أصعب سنه ..من أولها كده بدأت بالمشاكل...والآحزان ...وآلام الفقد .....وكانت أكتر سنه ظهرت فيها الحياه على حقيقتها ....السنه اللى أثبتتلى انى كنت عايش لوحدى فى مدينة أفلاطون الفاضله ,وان الناس ليها طبيعه تانيه غير اللى كنت متخيلها ...طبيعة الجرى وراء الماده ...صراعات بين أبناء العيله الواحده على حطام الدنيا ....فقدان الثقه فى كل شىء ووصولى الى الحكمه اللى بتقول ...فكر قليلا قبل أن تثق كثيراً.....إغتيال الاحلام الجميله ......اللى يتخلى عن حلمه يبقى اغتاله.. ..ده اللى انا اعرفه ...كل حاجه كانت بتحصل بدون أى مبررات كافيه ...ومليون علامة استفهام ..بدون اى اجابه ...الحمد لله انها عدت ..لكن برضو 2007 كانت فيها أجمل لحظات العمر ...كان فيها حفلة التخرج بتاعتنا ..وفعلاً دا أجمل ايام حياتى ...وجود كل اصحابنا وعائلاتهم اللى جت من كل حته علشان يفرحوا بينا ..التنظيم الرائع للحفله ...الناس الكتير اللى جت علشانى ..سواء أقارب او أصحاب مع انى كان معايا أربع دعوات بس .....امتحانات آخر سنه ..وحرصنا اننا نتجمع بعد كل امتحان ..ونودع كل مكان فى الجامعه ....آخر يوم فى الامتحانات ....والمأساه اللى كانت فى محطة القطر واحنا بنودع أصاحبنا المغتربين.....يوم النتيجه ...خطوبة حسن ودينا وازاى الدفعه كلها اتجمعت تانى واصحابنا اللى من ابعد المحافظات حرصوا انهم يكونوا موجودين ...سواء أولاد او بنات ....واتجمعنا مره تانيه يوم جواز محمد- انتيمى- وفرحتنا بيه ..يومها بصلى وقالى والله أنا فرحان بيكم اكتر من العروسه ياخال .خطوبة عامر اللى محضرتهاش لأنى كنت بدأت الشغل ....بعد كده دخولى عالم التدوين بفضل حد هفضل ممتن ليه طول عمرى ....لأن المدونه بجد عرفتنى على ناس جميلة واكتسبت من خلالها اخوات وأصدقاء مكنتش احلم انهم يكونوا بالطيبه والجمال ده ....2007 كمان كانت بداية انتقالى للقاهره وبداية حياتى العملية ...والحمد لله ربنا كرمنى بإنى اشتغل فى مكان مكنتش أحلم انى أشتغل فيه .
ايوا فى لحظات صعبه جداً , لكن لو اتقارنت بالنعم اللى ربنا انعم بيها عليا هتبقى فعلاً شىء لا يذكر.
اتنين وعشرين سنه عدوامن عمرى ...مش عايز منهم اى حاجه غير ان ربنا يكون راضى عنهم ....وسنه جديده جايه يارب كمان ربنا يكون راضى عنى فيها.
كنت متوقع ان عيد ميلادى دا مش هيكون حلو زى عيد ميلادى اللى فاتت لأنى هكون فى الشغل كالعاده .....لأن السنهاللى فاتت احتفلنا بيه فى الكليه الصبح ..لأن الدفعه قررت ان اليوم ده اجازه رسميه من المحاضرات ...وبعدين بالليل فى الشقه والناس الكتيره والدوشه والازعاج اللى عملناه يومها فى العماره ...وكل ما حد من السكان ينزل ..ولاء الدين يحلف عليه ويدخلوا علشان ياكل تورته ويحتفل معانا ..

على عكس ما توقعت الحمد لله عيد ميلادى النهارده كان جميل ...الصبح كده اول ما فتحت الميل بتاعى لقيت تهنئه جميله وكارت معايده أجمل ...تهنئه رقيقه من أختى ...تليفونات ورسايل طول اليوم لغاية ما زمايلى فى الشغل بدأو يسألوا ايه الحكاية ..ولما عرفوا بسرعه جابوا التورته وعملولى حفله جميله ......اتصال مفاجىء من أصدقاء الكليه ومفاجأه بإن كل واحد هييجى من محافظته البعيده علشان نتلم النهارده ونحتفل زى السنه اللى فاتت ...الحمدلله دا كتير عليا بجد.
طبعاً فى يوم زى النهارده لازم اشكر كل الناس اللى فرحتنى واللى وقفت جنبى ....الناس اللى مش عارف هودى جمايلهم دى فين
اعتذر لمدونتى عن عدم اهتمامى بيها بالحد الكافى لكن وعد من النهارده ..هريح الأجدنه والقلم الرصاص وهبدأ أكتب هنا..يعنى هتشوفوا تخاريف جديده يارب تعجبكم.
أقول كل سنه وانت طيب لكل الناس اللى عيد ميلادها قرب..كل الناس الجميله مواليد برج الحوت.
وللناس اللى عيد ميلادها النهارده برضو
الدكتور زويل الشخصيه البسيطه جدا اللى كان من حسن حظى انى اسمع منه لما شرفنا السنه دى بزيارته لجامعتنا
الاديب فيكتور هوجو و التراث اللى سابه واللى بيتحفنا بيه...
سلام بقى لأن أصحابى مستنيين

________________

تحديث:التورته اللى كنت مخبيها من اصحابى

اتفضلوا...

:)

so,would you care?

Hello!
.
.
How have you been?
.
.

Missing you too much to stand being far form you.
.
.
Say no more!!!!