Don't make me close one more door!!

Come back Soon......

......I Miss You!!!!

.

.

Come on here........

........and Set me Free!!!

.

.

You are my.....

......Number 1 Choice Baby!!!!

.

.

I feel Depressed..... ...each time We are apart!!

.

.

I just can't Smile........

........without You!!!

.

.

If you were here.....

...my Face would be like This!!

.

.

وأيامى بعدك ....عدم

إستعجلت الرحيل

ورحلت فى غير آوانك

وآه ياليل الشتا

دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

!!عجبي

حنين

وإحنا لو طيور
.
.
.كان يحوشنا سور
.
.
.أو جبال تصد شوقنا
.
.
ولاّ موج بحور

ولاّ موج بحور

____________

على الحجار

إنه لقولٌٌ فصل ...وما هو بالهزل

بسم الله الرحمن الرحيم

وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ

صدق الله العظيم

البقرة 216

ْ وَاللَّهُ يَعْلَمُ وَأَنْتُمْ لا تَعْلَمُونَ

ْ ْ

وَاللَّهُ يَعْلَمُ وَأَنْتُمْ لا تَعْلَمُونَ

ْ

وَاللَّهُ يَعْلَمُ وَأَنْتُمْ لا تَعْلَمُونَ

Another rainy night

Outside it's now raining

And tears are falling from my eyes

Why did it have to Happen?

Why did it all have to end?

........................................

Big big world-Emilia

حينما يغتالنا الوقت

صوت قوى فى أعماقى يحدثنى بأن العد التنازلى

لإغتيال أجمل أحلامى قد بدأ

وربما قد أوشك على الإنتهاء

.....

ولأن أحاسيسى لا تكذب أبداً

فأنا أصدقها

ويملأنى الرعب والألم كل يوم

.......

حقيقة

ليس حراً من يحب بقلبه فقط......... فالقلب فى النهاية يسكن سجناً من الضلوع

أول تاج

التاج ده وصلنى من ايبى ....وده أول تاج ليا ....بصراحه مش كنت متوقعه... بس قلت أهى فرصه ان الواحد يتكلم ...شكرا ايبى

(the little child started to paly her first tricks on me..coz it's only me who told her not to grow up :D)

قالولك اختار عصر من عصور مصر علشان تعيش فيه ...تختار اى
عصر و فى عهد اى حاكم ؟؟ اشمعنى العصر ده؟؟
لو هختار أعيش فى عصر غير العصر ده .....هختار العصور الوسطى .....اشمعنى العصر ده بقى ...
العصور الوسطى أزهى عصورالفرسان ....وبمعنى أدق ...أخلاق الفرسان ....ناس كلمتهم دين ...ناس كانت بتوعد ومستعده تضحى بحياتها علشان توفى بعهودها..........شايلين ارواحهم على سيوفهم ....يقولوا الحق ولو على رقبتهم.....كل قوتك حصانك وسيفك...وبصراحه انا بعشق الخيل.... والمبارزه كانت وجه لوجه مش دلوقت كله بيطعن فى ضهر التانى ..وتبقى فى "بنت السلطان "....الأميره اللى بنسمع عنها فى الحواديت ..(تلك العيناها أصفى من ماء الخلجان ) أيوا بالضبط ......وأحبها ...وأروحلها كل يوم بالحصان وأقف تحت بلكونتها فى القصر ...وأنادى عليها...وأشوفها ......وأطلبها من السلطان ..ويرفض علشان أنا مش أمير ......وأخطفها ....وأحارب الدنيا علشانها ...واتجوزها......ونعيش فى بيت صغير فى مكان بعيد ....والسلطان يعرف مكانا ....ويبعت جنوده يقتلونى......ويقتلونى ...المهم انى عشت يوم واحد مع اميرتى .......ساعات يوم واحد ممكن يساوى العمربحاله
وفى الاخر كلنا هنموت ...صح ..هههههه
(ولكن للأسف(يمر العمر ولا تأتى بنت السلطان

اول اولويه فى حياتك:عيلتك ...شغلك و لا اصحابك؟؟؟
والله احنا من زمان اتربينا على كلمة سمعناها وارترسخت جوانا ..كلمة بتردد جواك كل دقيقه وفى كل خطوه جديده فى حياتك الكلمه هيا (أهلك لتهلك) ..الأهل ياجماعه واللى ملوش خير فى أهله ....انتو عارفين الباقى
الأمريكان بعد سلسه من الابحاث الاجتماعيه لمدة سنين أكتشفوا ان العيله هيا الأهم وبيحاولوا يطبقو مبدأ
family first
ويرسخوه فى أطفالهم وشبابهم والمجتمع ككل
وده كان اسم الحملة بتاعة
لو فاكرينDr.Phil
يعنى الموضوع بقى واضح زى الشمس العيله هيا اولويتى الأولى مش علشان كلام الأمريكان ...لأ علشان الكلمة اللى قالهالى جدى زمان ولسه بقولها لنفسى كل يوم....أهلك لتهلك
بعد كده ييجى الشغل
وبعدين الصحاب
ايه اكتر حاجه بتحبها فى رمضان؟؟؟؟.
حاجات كتير والله ...أولها انشراح الصدر ...والاقبال على الطاعه بهمه غير عاديه..وقيام الليل ..
بعد كده لمة العيله ع الفطار والعزومات لما تلاقى كل الناس اللى بتحبهم حواليك اى حزن أو ألم بيهرب بعيد
اوصف ليا اجمل فطار ممكن تفطره.
أجمل فطار ممكن أفطره يكون فى أرضى قدام البيت الصغير ....وأعزم كل أهلى...القريب والبعيد....وأقف بنفسى أخدم عليهم ...
لو انت حاكم على مجموعه من الافراد هتكون عادل؟؟؟ طب هتعمل
ايه علشان تتاكد انك حاكم عادل؟؟؟
حاكم عادل .......الجمله دى تلاشت من زمان والكلمتين مبقيوش ييجوا مع بعض خالص العدل كان زمان أيام عمر بن الخطاب ...
لكن برغم كل شىء هحاول على قد ما أقدر ان أكون عادل ...وعلشان أتأكد انى كنت عادل واطمن ان العدل هيسود بعدى هخلى ابنى يمسك بعدى الحكم ....هي ايه مبادىء الحكم غير العدل والكفايه ........يعنى يفضل يعدل ويكفى فيهم طول عمره لغاية ما حفيدى برضو يمسك الحكم علشان يكمل مسيرة العدل .....لا انتوا تفكيركم راح لبعيد خالص على فكره
اللى بيبوظ الحكام ...نفسهم و لا الشعب و لا الحاشيه المقربه؟؟؟
أولا السلطه فى حد ذاتها بتغوى .....أى واحد فينا ممكن سلطته تغويه .....لكن المفروض لو ده حصل بيكون فيه ناس حواليك تفوقك وتردعك وتذكرك بالحساب ........لكن طبعا كلنا عارفين بطانة السوء اللى حوالين الحاكم ...والشعب غرقان فى الهموم لشوشته .....مش فاضى يصلح ولا ينصح الحكام
التلاته مشتركين الحاكم والحاشيه والشعب
مين اكتر اعلامى مصرى بتحترمه؟؟؟
والله بحترم ناس كتير...يعنى مثلا ..منى الشاذلى ...أحمد منصور..و هيكل لما يكون واخد حبوب الشجاعه
لو ممكن تشتغل شغلانه تانيه غير اللى انت بتشتغلها او هتشتغلها
كنت تتمنى تبقى ايه؟؟؟
ممممم....صعبه دى ....كنت اتمنى ان أكون بحار .....وآخد مركب شراعيه ...والف الدنيا .وأقابل ناس جديده دايما ...واعيش دايما فى البحر وأستمتع بجماله وبصوت النورس عند كل ميناء ....كانت تبقى روعه بجد
تانى بلد تتمنى تعيش فيه بعد مصر ايه؟؟؟
أمريكا
مش حباً فيها ولا حاجه ..بس نفسى أحضر
MBA
فى هارفارد
(بس هرجع مصر تانى طبعا ...)
اوصف ليا ترتيبات اجمل فرح ممكن تحضره
يعنى هوا فرح غير تقليدى شويه .....يبتدى من الصبح ....يروحوا أول مكان اتقابلوا فيه ...وكل الاماكن اللى ليهم فيها ذكريات جميله ....يتغدوا عالنيل ...اوعالبحر ...برضوا فى مكانهم المعتاد..(من حق كل الاماكن دى تفرح بيهم).....بعدين حفلة الفرح تكون فى مكان مفتوح وياسلام لو كانت حديقة بيتهم .....تشتغل اغانيهم الخاصه او كل اغنيه اهدوها لبعض من أول يوم ابتدت حكايتهم.....يقروا لبعض أجمل الكلمات اللى كل واحد كتبها للتانى مع صوت موسيقى رقيقه......يكون فى شباب كتير بس من غير هجص ...والفرح ينتهى بدرى شويه ..بصراحه مش بحب الأفراح اللى بتخلص 2او 3صباحا دى ...
بتراعى كلام الناس و القيل و القال؟؟؟ لو اه او لو لا ليه؟؟؟
شوف ..احنا عايشين فى مجتمع صعب فيه انك تتجاهل كلام الناس وتعمل اللى انتا عايزه ومتعملش حساب لحد
لذلك انا براعى كلام الناس ...بس فى خطوط حمراء فى حياتى مستحيل حد يعديها أو حتى يفكر يتكلم عنها .....
ولو فى حاجه مقتنع تماما انها صح ....مش ههتم بكلام الناس.
صحيت ملقتش الموبايل و لا الكومبيوتر و لا الكاميرا الديجتال و
لقيتنا رجعنا لعصر الحمام الزاجل و الحصنه هتكون سعيد؟؟؟
طبعا هكون سعيد جدا...الموبايل ده اكبر انتهاك لخصوصية الانسان ..يعنى ايه تكون متاح فى أى وقت لأى حد انه يكلمك ...أويفاجأك بانه يطلب منك حاجه تضربلك خطط يومك وطبعا تبقى جريمة لو قلت لأ....انتهاك الخلوه والسؤال المعتاد انتا فين....؟؟ غريبه بجد
أما عن الرسائل والحمام الزاجل فأنا بحب المراسله جدا...وياسلام بقى لو المراسله تبقى بخط الايد والواحد يبرز مواهبه فى الخط العربى ..والرسائل تبقى معطره وتشوف اللى كاتبلك من خلال كلامه وترسمله احلى صوره فى خيالك .. .....مفيش اجمل من كده..
السعاده هى.....؟؟؟
وقفت كتير جدا عند السؤال ده....وقفت كتابه وقلت أكمل لما ألاقى اجابه ...وللأسف عدى يوم واتنين وانا بسأل نفس السؤال ومفيش رد...فى الآخر أقدر أقول ان السعاده هيا أبعد حاجه عننا وكل ما نمشى ناحيتها بتبعد أكتر ..الزمن بقى صعب ...وفى خلل كبير ..يا اما جوايا يا اما فى الناس .....أنا دلوقت بستمد سعادتى من انى اشوف الناس سعيده....لو مش هقدر أسعد نفسى هحاول أسعد اللى حواليا .......أما سعادتى أنا فهى انى أكون راضى دايما بقضاء الله ....وبعدين ليه نستعجل السعاده ...لو مش فى الدنيا ...لسه فيه دار آخره.......لكن انا واثق ان ربنا أرحم من انه يخلى انسان يعيش حزين طول حياته.........فخلينا نحاول
عندك امل؟؟ اسبابك؟؟؟
للأسف.......... لازلت ألمح فى رماد العمر شيئا من أمل
أولا :على الرغم من انى بستخدم خمسه وتسعين فى الميه من قدراتى العقليه فى انى أتعايش مع اللأوضاع الحاليه وأعمل اللى عليا على أكمل وجه
إلا ان الخمسه فى الميه الباقيين (بتوع الافكار المجنونه والشطحات)..لسه بيرسمولى آمال تبقى جميله جدا لو أتحققت ...بس المشكله انها(شطحات جامده) شبه مستحيل انها تتحقق
ثانيا: لأن القدر بيحط فى طريقى ناس –ربنا يكرمهم- بتحقن تحت جلدى جرعات أمل كل مره احس فيها انى مش قادر أكمل أو وصلت لطريق مسدود
لما بتحب تهرب من كل شىء بتروح فين؟؟؟؟
الموضوع مش صعب بالنسبالى ....أنا بعرف أكون لوحدى مهما كان فى ناس حواليا ودى فى حد ذاتها مشكله
بس لو عايز مكان معين يبقى أرضى اللى فى الجبل
امتى اول مره خدت فيها نفس طويل كده و قلت بينك و بين نفسك "
ياااه اظاهر ان انا فعلا كبرت" ؟
كتير بصراحه .....وصعب ان افتكر لأنى دايما بحس ان عمرى جرى منى بسرعه وانى كبرت قبل الآوان
لما بتعمل عمل خيرى بيكون ايه هو دافعك الاول؟؟؟
أولا رضا ربنا سبحانه وتعالى وثانيا علشان أحس أن عندى قدره على العطاء مهما كانت الظروف وتحت أى ضغط نفسى ..وثالثا انى أرد جزء من نعم الله عليا وأحاول أسعد حد بأى طريقه..
بتشرب سجائر؟؟؟ لو الاجابه اه ايه شعورك لو شفت ست بتشرب
سجاير؟؟؟ ليه؟؟؟
لأ مش بشرب سجاير........أول مره شفت ست بتشرب سجاير ...كانت من أسبوع تقريبا وكانت أول مره فى حياتى ....صعقت ...وفقدت القدره على الكلام او التعبير....بصراحه صعب انك تشوف البراءه بتندبح قدامك ..تخيل دى هتكون أم فى يوم من الايام...ياترى هيا مقتنعه باللى بتعمله ولا هوا مجرد تقليد أعمى ...مفكرتش كتير كل اللى قدرت اعمله انى اسيب المكان وأمشى .....
بتعرف ايدك اليمين من الشمال ازاى؟؟؟؟
ههههه عادى يعنى ...الدبله فى الايد الشمال مثلاً

(لو الموضوع مغلبك قوى ممكن تقطع صباع من اى ايد علشان تعرفها بعد كده )
ايه اكتر آله موسيقيه بتحبها؟؟
العود ...والناى ..
وفى حد اسمه
KENNY G.
بيعزف ساكس بطريقه هايله
فى رايك ليه الذوق و النخوه انعدموا؟؟؟؟
أنا اللى بسألكم ايه اللى بيحصل فى بلدكم ده ...السؤال ده عايز بوست لوحده.
ايه الحاجه اللى لو حصلتلك تبقى سعيد اوى؟؟؟
سعيد قوى.... .ياااااااااااااه......طيب ايه رأيك لو كانت معظم الحاجات دى شبه مستحيله؟
خلينا فى المتاح ...نفسى أحج ..أنا متأكد انى هكون سعيد جدا وأنا هناك ...ومتأكد انى هحققها قريب انشاء الله
تختار يبقى عندك...ارض زراعيه و لا اجنس عربيات و لا كام
عماره و لا فلوس فى البنك؟؟؟؟
أرض زراعيه طبعا .....اللون الاخضر الجميل ....نسيم الليل والشاى فى البلكونه وانتا بتتفرج عالنجوم مع صوت ام كلثوم فى الراديو......والندى فى الصبح بدرى.... والهوا العليل......وتفتح كل يوم بلكونتك الصبح تلاقى الخير قدامك ....أزرع وأشوف زرعى بيكبر قدام عينى ....فيه أجمل من كده؟؟؟؟؟
حد يقدر يعمل كده فى المدينه ...هواء ملوث ..وضوضاء ..والناس محبوسه فى شققها ومعدش فيه بلكونات من أصله ..وشاى العصر اتنسى ....واتنست معاه حاجات كتير
البحر و لا النيل؟؟؟
البحر لما أحب أحكى همومى ...وأعلن غضبى وأثور ....والنيل لما أحب استعيد ذكرياتى وأعيد شريط حياتى
ولسه مشوار الحياه شايلى معاهم الاتنين وقفات
تركب ولا طيارة؟؟
لا ..أمشى ...وأمشى ...وأمشى ...ثم أمشى....
تقرى كتاب و لا تتفرج عليه فيلم؟؟؟
أقرى ...وأتخيل الأحداث بنفسى وبطريقتى الخاصه .....وأدى مساحه لخيالى أشوف كل شخصيه بطريقتى
وبعدين الكتاب هيكون معايا فى أى حته ....فى البيت ...فى المواصلات ....فى الشغل ....دى ميزه لا تقارن
لكن مش هنكر ان فيه قصص كتير تمثيلها كأفلام أبهرنى ...
======فركش خلصنا======
وكمان صدعناكم
....................................................
ايبى ...شكرا كمان مره عالتاج ....ومستنى أشوف رد كلمات ..."لما وقتها يسمح طبعا"
لو العاده ان الواحد يباصى التاج لحد فأنا أباصيه لأى حد يزرنى ويكون حابب انه يجاوب

first day at work

today is officially my first day at work.
so could you please wish me a good luck.
i will not write much words
coz am on my computer at work now
but i just wanted to write this post from here
just to remeber this day.

ذكريات ليلة ممطره

هناك فى مكان بعيد ....بعيداً عن موطن نشأته وشبابه........فى إحدى الليالى ......كانت السماء ملبدة بالغيوم .....كان كعادته يجلس بكرسيه فى شرفته ليراقب القمر ويحادث النجوم .....فهم اصدقائه منذ القدم .....تعود على أن يحكى لهم كل شئ ...أخباره ....مشاعره ...مخاوفه.....تعود أن يغازل القمر عندما يكون بدراً ويغطى نوره الوجود..كان يغازله حتى تغار النجوم وتزيد من وهجها ولمعانها .وتتراقص أمامه لعلها تنال بعضاً من غزله الجميل...كان يفعل ذلك كل ليلة حتى جاءت(شمس عمره)واستأثرت بكل الغزل والحب ....كم كانا يجلسان معا ً فى ضوء القمر

...أما الآن يجلس فقط كل ليله ليشكوا للقمروالنجوم أحزانه....وآلامه.... كانت الغيوم فى هذه اليلة تحجب القمر والنجوم ......كان يجلس ويشاهد كيف يصارع القمر السحاب والغيوم ليظهر نفسه ....يحاول ان يجد صديقه الجالس هناك وحيدا فى شرفته .....لكن محاولاته كانت بلا جدوى.....وبعد أن فقد الأمل فى أن يرى أصدقائه ....قرر أن يذهب إلى النوم...تناول بعضاً الحبوب فمازال يعانى قسوة المرض ..غفت عيونه ساعة أو إثنتين ....وأستيقظ على صوت قطرات المطر .....خرج سريعاً الى الشرفه ....كان مشتاقاً جدأً للمطر الذى يعشقه ...ويعشق السير تحته......كانت قطرات المطر تتساقط عليه بشده.....فتح زراعيه ليحتضن قطرات المطر ...وأخذ تنهيدة عميقه ....عاودته رغبته فى الجرى تحت المطر....لكنه مريض جدا الآن ...ولن يسمح له أحد بذلك ....ربما يكون قراره بالخروج فى مثل هذا الطقس قرار بالانتحار....ولكن من ذا الذى يستطيع ان يكبت جماح هذا الحصان الذى داخله .....هذا الحصان الجامح الذى يهوى الجرى تحت الأمطار....خرج رغم اعتراض الجميع دون ان يأخذ كوفية أو معطفاً...لم يرد أن يقيده شئ ...سار كثيرا تحت المطر...كان يريد أن يغسل المطر جميع أحزانه
وفجأة ..بدأت تقل قطرات المطر ....ويتعالى صوت الرعد شيئاً فشيئاً.....أيقظ ذلك الصوت صوتا آخر داخله ....أيقظ صوت حزنه الدفين...وأخذ يتعالى مع صوت الرعد حتى أحس بكيانه يضطرب مثل إضطراب السماء بصوت الرعد..فقد القدره على السير الآن ...كبلت الأحزان ذلك الحصان الجامح وعصفت بكيانه حتى عجلت بشيخوخته ....توقف فى منتصف الطريق ....فاجأه نور شديد من السماء ...إنه البرق.....كان يومض بسرعة ويختفى ...أخذ يراقبه ....كانت هناك أشياء اخرى تومض فى ذاكرته مع كل ومضة للبرق...أغمض عينيه ....مع ومضة البرق الأولى ومضت فى ذاكرته صورة البيت الصغير..... ومع الثانيه حديقة البيت.....ومع الثالثه ومضت تلك الليلة الممطره ...كانت الليالى الممطره من لياليهما الخاصه جدا ...يجلسا معاً فى حديقة المنزل تحت المطر...يسير معها وهى تحضن يده كطفل صغير ..وتختبىء فى حضنه مع كل ومضة برق ....تداعبه بروح طفلة صغيرة....فيجرى خلفها....كان وجهها المنمنم بقطرات المطر وخصلات شعرها المبللة التى تتطاير مع الهواء أسطورة لا توصف ولا تحكى..كان لايملك إلا أن يجثو بين يديها فى خشوع تام يتأمل ذلك السحر

ًومع توالى الومضات كان يسمع صوت الحوار واضحا
ــــ رايح فين؟
ـــ هجيب فوطه تنشفى شعرك ..لحسن كده هتاخدى برد
ـــ بس انتا بتحب تشوف شعرى كده تحت المطر
ـــ طبعاً ... بعشقه
ـــ يبقى مش مهم بقى يحصلى ايه ...المهم إنى معاك

تتفجر دموع ساخنة من عينيه الآن ....تزداد شيئا فشيئا حتى تصبح كقطرات المطر .....يفقد قدرته على الصمود..يجثو على ركبتيه....يتعالى صوت الرعد ..وتزداد حدة البرق وسرعة ومضه .....تزداد معه ومضات الذكريات فى عقله
...حجرتها فى المستشفى

.....صورة الأشعه

...تقارير الأطباء

......يوم العملية.

....أصوات الصراخ والبكاء
لم يستطع الصمود واستلقى على الأرض فى منتصف الشارع كجثة هامده لا تستطيع الحراك

يبكى

..ويبكى

..وينتحب

كان أنينه يمزق القلوب .....ويخرج آهاتٍ من أعماقه بأعلى صوت

...إشتد عليه الألم

....تمنى أن تكون هذه ليلته الأخيره

تمنى الموت مع كل دمعه وخفقة قلب

ولكن مع كل الأسف رآه أحدهم من شرفته

...وجرى اليه

..نُقل الى المستشفى وتم إسعافه

أيقن عندما أفاق أن أمنيته لم تتحقق ...وأن أجله لم يحن بعد..فهو لازال على قيد الحياة ...أدرك أن أمامه

....درباً طويلاً من الحزن والحرمان والألم عليه أن يمشيه ويتجرع كأس عذابه حتى يأذن له ربه بالراحة

سنه أولى تدوين

حسناً إنه يومى الأول فى هذا العالم .....عالم جديد.....رغم أننى إعتدت مؤخرا على زيارته كلما سمحت لى الظروف إلا إننى لازلت غريبا عنه .....ولازال غريبا عنى لكننى بعد طول تفكير قررت أن أقتحم هذا العالم......هنا ستكون لى مساحة كافية لأسجل بعضاً من الأحداث الهامة فى حياتى ....مساحة لأنشر آرائى (اللى هتودينى ورا الشمس طبعا...حد عايز ييجى معايا؟.)....مساحة لأن اسجل خواطرى وبنات أفكارى ..... أيضا ربما تكون هذه المساحه البسيطه سبباً فى تواصلى مع اصدقاء الدراسه اللذين تركوا فراغاً كبيرا فى حياتى (وحشتونى ياولاد!!!!)...هنا سيجدونى سيعرفون أخبارى.....سيعلقون عليها ...وسنتواصل....هنا أيضا سأشُرف بالتعرف على اصدقاء جدد....أشاركهم الآراء ..والأفكار ..بعيدا عن القيود ....بعيدا عن سيف الجلاد .....بعيدا عن القمع ...والظلم..... والتعتيم ...هنا سأتعرف على "الأحرار"...ربما تكون هذه الأسباب كافية الآن لأخطو أول خطوة فى هذا العالم
قبل أن أنسى.....إحقاقاً للحق .."رسائل الأحزان" عنوان المدوّنه ...هو إسم كتاب لرائعة الأدب العربى مصطفى صادق الرافعى..انه الكتاب الأول فى ثلاثية جميله كان ثانيها كتاب "أوراق الورد "وثالثها كتاب "السحاب الأحمر" وعلى الرغم من أنى لا املك أى كتاب من الثلاثية الا إننى أعرف انها كتب فلسفية رائعه .....وحالفنى الحظ فى ان أقرأ مقطفات منها........لكن هذا الاسم علق بخاطرى واحببته فجعلته عنوانا لمدونتى ....."رسائل الأحزان"....رسائل سأكتبها ......رسائل كتبتها ...ورسائل كُتِبت الىّ ..رسائل غير موجهه الى أحد إنها "فقط لى" ...لى أنا وحدى...رسائل مُـفرحة أحياناً .....وأحياناً أخرى محزنه.... ..."ليس لأنها من الحزن جاءت ....ولكن لأنها إلى الحزن إنتهت."..........هذا كل شىء.

بصراحه أتمنى إن بدايتى هنا تكون بداية صفحه جديدة ليا مع الحياة ....الشهور اللى فاتت ..كانت فعلا صعبة جداًمحنة بس كبيرة شوية....ناس كتير وقفت جنبى لازم اشكرهم ومخيبش ظنهم أولهم أهلى وثانيهم اصدقائى المهم المحنه دى اتمنى انها تنتهى فى يوم من الأيام لأنى فعلا تعبت....بس للأسف أنا عارف ان ملهاش نهاية .

لكنى هصبر...وهحاول....وهكمل.... واحلم بالراحه والسعاده...يمكن السعاده تكون فى مجرد المحاوله...

فى حد أنا بحترمه وبقدره جداً قالى فى يوم من الأيام: "السعادة فى السعى وعدم التنازل عن الحلم أو الرضا بالنصيب . ..إذا كان فيه حديث فيما معناه ان الدعاء الكتير بيرفع من القدر اللى نازل فممكن القدر بيتغير ...احنا اللى بنشكل النصيب ..طبعا مش هقعد فى البيت وادعى وبس ...وأتواكل ...انما ح اتوكل على الله ...واسعى ...وادعى ...وأصمم على حلمى....وأحط ذكرياتى فى شنطه مقفوله ...وأسيبها ع الرف..وأدور عليا ..وأمسك حلمى...وأمشى ناحيته.....إذا ح نخلى الحياة سعيدة ...غصب عن الدنيا ح نسرق منها الدحكه والبسمه...ونخليها مع الذكريات الحلوه اللى بتخلينا نكمل ونستمر

. وقالى كمان

(Each night…..I put off my collapse for the next day…..till by time now it faded bit by bit …..and its getting smaller and smaller for the cause of LIFE itself is much bigger than the ordeals and sorrow one undergoes)
كلمات على الرغم من بساطتها إلا إن معانيها كبيرة جداً لليفهم صح ....طبعا مهما قلت كلمات شكر مش هتوفيه حقه ..ربنا يكرمه بجد

..........................

هنا هتكون بداية جديده....لو مكتوبلى إنى أنهار مش هنار النهارده .....هحاول... هتمرد ...هعمل أى

حاجه المهم "أنا مش هنهار النهادره".....هقول لنفسى كده كل يوم....هقول لن أعود

الدنيا مش بتقف ....بكرة الشمس هتطلع ...علشان تغيب ....وترجع تانى من جديد....كلنا لازم ننكسر علشان نرجع نقف من تانى ....مش مهم إيه اللى إنكسر جوانا ..المهم إننا نرجع نقف ونكمل ..وننجح ..والناس تشوفنا كويسين ..علشان لازم نكون كده ..ومهما تكون مكسور جواك لازم الناس تشوفك بتدحك..وتدحك..(وكأن الدحكه بجد).......على فكره ......الحياة دى غريبه جدا ..وعجيبه كمان ..صعب فى يوم من الأيام تفهمها....أو حتى تتوقعها..... ....فى ناس واقفه مكانها ....وفى ناس بتطلع وتعلى ..وللأسف فى ناس بتنزل وتنهار...الأدهى إن كل واحد عنده أسبابه.....والأسباب دى ساعات كتير بتكون مقنعه ...........أنا هكون مين فيهم ؟...مش عارف

...بس اللى اعرفه كويس ....إنى عمرى ما هكون من الناس اللى واقفه مكانها.... ..

التحدى:..بكره أنا فين؟؟؟...فوق ولا تحت؟؟؟؟؟؟؟؟

......................................................

أنا شئت أرحل لن أعود الى سراب

وأهيم فى دنياى احترف الغياب

أحرقـت دمعة ذكـرياتى.

حطمت سجنى والقيود

من قال أنى قد أعود

وأبيع ثانية حياتى

لن أعود

ما كان....كان... وليس لى إلاغدى

تبنيه آمالى الكبار

ما كان...كان... فياحياتى تمردى

وتجددى نورٌ ونار

............................................

" لن أعود":لماجده الرومى